Қазақстанның шығысында қар жауып, бірқатар өңірде үсік жүреді

14-16 қыркүйек аралығында Қазақстанның басым бөлігінде суық болып, жаңбыр соңы қарға ұласуы мүмкін, деп хабарлады Қазгидромет.

"Қазақстанның солтүстік жартысына әлі де Солтүстік-батыс суық антициклоны әсер етеді. Республиканың батысында, солтүстік-батысында, шығысында, оңтүстік-шығысында атмосфералық фронтальды бөліктердің өтуімен жаңбыр сақталады, еліміздің шығысы мен оңтүстік-шығысының таулы аудандарында түнде жаңбырдың соңы қарға ұласуы мүмкін", – делінген хабарламада.

Сондай-ақ, 15 қыркүйекке қараған түні шығыста қатты жауын-шашын (жаңбыр, қар) болады деген болжам жасалды. Республика бойынша жел күшейеді. 15-16 қыркүйек күндері республиканың оңтүстік-шығысының таулы аудандарында, солтүстікте, солтүстік-батыста, орталықта, шығыста 5 градусқа дейін үсік жүреді.

Оқи отырыңыз: "Алғашқы қар". АҚШ жазушысының Қазақстаннан алған әсері