Қазақстанның 9 медресе-колледжінде оқуға қабылдау емтиханы басталды

Қазақстан мұсылмандары діни басқармасына қарасты 9 медресе-колледжде 2021-2022 оқу жылына талапкерлерді қабылдау емтиханы басталды.

Қазақстан мұсылмандары діни басқармасының Діни білім және кадр даярлау бөлімінің меңгерушісі Смайыл Сейтбековтың айтуынша, медреселерге қабылдау емтихандары 26 тамызға дейін жалғасады.

"Астана", "Сарыағаш" және Алматы облысындағы "Үшқоңыр" медресе колледжерінде емтихан өтіп, оған 982 талапкер қатысты. Олардың 498-і – ер бала және 484-і – қыз бала. "Шымкент" және Алматыдағы "Әбу Ханифа" медресе-колледжінде білім сынағы өтіп жатыр. Талапкерлерден Діни білім және кадр даярлау бөлімінің мамандары мен медресе ұстаздары емтихан қабылдайды", – деді Смайыл Сүйерқұлұлы.

Айта кетейік, бұған дейін ҚМДБ Түркістанда Х республикалық Құран оқу жарысы өтетінін хабарлаған болатын.