Қазақстандықтар жүздеген елге визасыз баратын болады

Мәдениет және спорт вице-министрі Ержан Еркінбаев Qazaqstan Live Fest халықаралық көрмесінде Қазақстан халқы визасыз бара алатын елдер санын 100-ге жеткізуді жоспарлап отырғанын айтты.

"Пандемияға байланысты шекаралар жабылып, шектеулер қойылған еді. Бүгінде шектеудің бәрі алынып тасталды. Қазақстанға келу бойынша 74 елге визасыз режим қайтарылды. Бұл тізімді 100-ге дейін арттыруды жоспарлап отырмыз. Кешеден бастап электронды виза беру қайта жанданды. Қазіргі уақытта Иран, Қытай, Үндістан азаматтары үшін визасыз режим енгізу мәселесі пысықталып жатыр", – деді Ержан Еркінбаев.

Вице-министрдің сөзінше, биыл Қазақстанға 500 мыңнан 1 млн-ға дейін шетелдік турист келеді деген болжам бар. Сонымен қатар Қазақстанға визасыз кіретін елдердің қатары артады. Қазақстан бүгінде ішкі туристердің саны 6,9 млн-ға жетіп, рекордтық көрсеткішке қол жеткізген.

---

Оқи отырыңыз: АҚШ елшісі Қазақстан үшін визасыз режим енгізу мәселесіне пандемиядан кейін қайта оралуға болатынын айтты

---