Қазақстанда шағын бизнесті тексеруге мораторий ұзартылмақ

Шағын кәсіпкерлікке, оның ішінде микрокәсіпкерлік субъектілеріне қатысты мемлекеттік бақылау мен қадағалау  2024 жылға дейін тоқтатылады. Тиісті қаулы жобасын Ұлттық экономика министрлігі жариялады. 

Құжат президенттің "Қазақстан Республикасында тексерулер мен профилактикалық бақылау мен қадағалауды жүргізуге мораторий енгізу туралы 2019 жылғы 26 желтоқсандағы № 229 бұйрығына өзгерістер енгізу туралы" жарлығына өзгеріс енгізуді көздейді.

Өзгерістер мемлекеттік бақылау мен қадағалау жүргізуді одан әрі жетілдіру, сондай-ақ азаматтардың қауіпсіздігін қамтамасыз ету, халықтың өміріне қауіп төндірумен байланысты шағымдардың, бұзушылықтардың алдын алу мақсатында енгізіледі.

"Орталық мемлекеттік және жергілікті атқарушы органдар шағын кәсіпкерлікке, оның ішінде микрокәсіпкерлік субъектілеріне қатысты мемлекеттік органдардың бастамасы бойынша жүргізілетін мемлекеттік бақылау мен қадағалауды 2023 жылғы 1 қаңтардан бастап 2024 жылғы 1 қаңтарға дейін тоқтатсын", – деп жазылған құжатта.

Жарлық 2023 жылғы 1 қаңтардан бастап күшіне енеді.

Құжат 11 тамызға дейін АшықНҚА порталында талқылауда болады.