Қазақстанда Кәсіптік біліктілік жөніндегі ұлттық орган құрылады

Қазақстан Кәсіптік біліктілік жөніндегі ұлттық орган құрылады, деп хабарлады Еңбек және халықты әлеуметтік қорғау министрлігі.

«Кәсіптік біліктілік туралы» және «Қазақстан Республикасының кейбір заңнамалық актілеріне кәсіптік біліктілік мәселелері бойынша өзгерістер мен толықтырулар енгізу туралы» заң жобаларын таныстырған вице-министр Олжас Ордабаевтың айтуынша, ұлттық біліктілік жүйесін басқарудың үш деңгейлі моделі жасалған.

• Бірінші деңгей – Кәсіптік біліктілік жөніндегі ұлттық кеңес. Ол Ұлттық біліктілік жүйесінің стратегиялық басқаруына жауап беретін шешімдер қабылдаудың бірыңғай орталығына айналады.
• Екінші деңгей – мемлекеттік органдар жанындағы кәсіптік біліктіліктер жөніндегі салалық кеңестер. Олар өз саласын кәсіби білікті кадрлармен қамтамасыз етуге жауап бере отырып, салалық біліктілік жүйелерін орнатуда жетекші рөл атқаратын болады.
• Үшінші деңгей – Кәсіптік біліктілік жөніндегі ұлттық органды құру. Оның құзыретіне Ұлттық біліктілік жүйесі бойынша әдістемелік және сараптамалық қолдау көрсету жөніндегі функциялар кіреді.

---

Оқи отырыңыз: Дастан Аспан, білім маманы: Әке жолын қуу – кәсіби бағдарлау емес

---