Қазақстанда фантастика жанрындағы әлемдік деңгейдегі сериал түсірілімі басталды

Шым-шытырық оқиғаларға толы туынды француз кино мамандарының қолынан шықпақ. "Инфинити" деген атаумен жарық көретін бұл сериал Франция, Украина мен Қазақстанда түсіріліп жатыр, деп хабарлады 31-арнаның Информбюро ақпараттық бағдарламасы.

Туындыда басты рөлді қазақстандық актер Данияр Алшынов сомдайды. Оның кейіпкері Исаак Тұрғын есімді қазақстандық полицей. Одан бөлек сериалдағы қосалқы рөлдерге Канн кинофестивалінің жеңімпазы Самал Есләмова және француз актерлері түсіп жатыр. Алты сериядан тұратын фантастикалық туындының тұсаукесері 2022 жылдың көктемінде өтеді деп жоспарланған. Сериал алдымен француз тілінде жарыққа шықса, кейін қазақ және басқа да тілдерге аударылады.

"Сериалдың желісі Байқоңырда өтеді. Қазақ полицейі ғарыш айлағында ғарышкердің мүрдесін тауып алады. Осы қылмысты ашу жолында сан түрлі шытырман оқиғаларды бастан өткереді. Фантастикалық жанрдағы сериал көрермендердің көңілінен шығады деп сенемін", – деді режиссер Тьерри Пуаро.

Материалдың толық нұсқасын төмендегі видеодан көріңіз: