Ашық НҚА порталында жарияланған Үкімет қаулысының жобасына сәйкес, ҚР Ішкі істер министрлігінің құрамындағы Әкімшілік полиция комитеті мен Көші-қон қызметі комитеті таратылады.
ІІМ құрамында Ұлттық ұлан бас қолбасшылығы мен Қылмыстық-атқару комитеті ғана қалады.
Министрліктің түсіндіруінше, комитеттер ҚР президентінің ІІМ құрамында басқа құқық қорғау органдарымен (Бас прокуратура, Сыбайлас жемқорлыққа қарсы іс-қимыл агенттігі, Ұлттық қауіпсіздік комитеті) ұқсастығы бойынша қызмет құру туралы тапсырмасын орындау аясында таратылады.
Жобада таратылатын комитеттер төрағалары мен олардың орынбасарларының еңбекақы төлеу санаты мен шекті арнаулы атақтары өзгеріссіз қалатыны жазылған.
Қаулы жобасы 19 желтоқсанға дейін қоғам талқысына ұсынылған.
Оқи отырыңыз: "Ескі мен жаңаның арасынан таңдау жасаймыз". Президент жолдауының толық мәтіні