Қазақстан көкпаршылары IV Дүниежүзілік көшпенділер ойындарында жеңіске жетті

Қазақстан көкпаршылары IV Дүниежүзілік көшпенділер ойындарында жеңіске жетті, деп хабарлады Ұлттық және ат спорты түрлері орталығы. Бүгін ақтық сында Қазақстан командасы қырғызстандық көкпаршылармен ойнап, жоғары дәрежедегі ойын үлгісін көрсетті. Есеп 4:3.

Қырғыз шеңберіне Әділет Мамыт 2 салым,  Құрманбек Тұрғанбек 1 салым, Абылайхан Нышанбеков 1 салым салды.

Бұған дейін Қазақстан құрамасы Өзбекстандық көкпаршылармен ойнап, 8-1 есебімен және Моңғолия құрамасын 12-2 есебімен жеңгенін хабарлаған болатынбыз.

Оқи отырыңыз: Түркияда IV Дүниежүзілік көшпенділер ойындары өтіп жатыр. Фоторепортаж

Айта кетейік, көкпар Көшпенділер ойындарының бағдарламасына тұңғыш рет еніп отыр, осыған дейін шабандоздар көкбөрі ойнаған болатын.

Көкпардан Қазақстан, Қырғызстан, Түркия, Моңғолия, Өзбекстан, Ауғанстан, Венгрия командалары келді. Ауғанстан аттарының мәселесі шешілмеуіне байланысты ойын көрсете алмады.