Қасым-Жомарт Тоқаев шешімді өзі қабылдайды – Берік Уәли

Мемлекет басшысы үндеулерін кеңесшілердің көмегінсіз әдеттегідей өзі жазады.

ҚР Президентінің баспасөз хатшысы Берік Уәли Мемлекет басшысы Қасым-Жомарт Тоқаевтың қайғылы күндерде дербес шешім қабылдап жатқанын мәлімдеді. 

"Мемлекет басшысының кейінгі шешімдері мен үндеулері бойынша блогосферада әртүрлі сипаттағы түсіндірмелер жарияланып жатыр. Осыған байланысты мынадай мәлімдеме жасау керек деп санаймын: Қасым-Жомарт Тоқаев – мемлекетіміздегі ең жоғары лауазымды тұлға және Қауіпсіздік Кеңесінің Төрағасы. Сондықтан Мемлекет басшысы дербес шешім қабылдайды", – деді Берік Уәли.

Оның сөзінше, Конституциялық құрылымға нұқсан келтіруді көздеген содырлардың Қазақстанға шабуыл жасаған қайғылы күндері де осылай болған.

"Қасым-Жомарт Кемелұлы отандастарымызға арналған өзінің үндеулерін кеңесшілердің көмегінсіз әдеттегідей өзі жазды", – деп түсіндірді Берік Уәли.

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары