Кембриджде ашылған көрмеге қазақ ғалымдар тапқан экспонаттар қойылды

Көрме қатысушыларының назарына Берел, Шілікті және Елеке Сазы қорымдарынан шыққан жүзге жуық археологиялық олжа ұсынылған.

Ұлыбританиядағы Кембридж университетінің Фицуильям мұражайында ашылған "Ұлы дала алтыны" (Gold Of The Great Steppe) көрмесіне қазақстандық археолог ғалымдар, әл-Фараби атындағы Қазақ ұлттық университетінің профессорлары Әбдеш Төлеубаев пен Зайнолла Самашевтың қазба жұмысы нәтижелерінде табылған Шығыс Қазақстан облысындағы ежелгі сақ қорғандарының алтын артефактілері қойылды. 

Олардың қатарында біздің дәуірімізге дейінгі VIII-III ғасырларда Орталық Азияда, атап айтқанда Қазақстанның Алтай тау жүйесінде үстемдік еткен скиф өркениетінің жәдігерлері, сақ қорғандарынан табылған құнды дүниелері бар. Көрмеде Берел, Шілікті және Елеке Сазы сияқты үш түрлі қорымнан шыққан жүзге жуық археологиялық олжа қойылған.

Экспозиция ежелгі сақтардың көшпелі мал шаруашылығы, тау-кен өндірісі және металлургия салаларында бірегей мәдениеті мен терең білімі болғанын көрсетеді. Бұл кезеңді ежелгі қазақтар тарихындағы "алтын ғасыр" деп те атайды. Киімі 15 мың алтын заттан тұратын "алтын адамның" қалдығы, экспозицияға қойылған ең бағалы экспонаттардың бірі. 

Экспозиция Фицуильям мұражайында келер жылдың 30 қаңтарына дейін өтеді.  

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите её мышью и нажмите Ctrl+Enter

 Если вы нашли ошибку в тексте на смартфоне, выделите её и нажмите на кнопку "Сообщить об ошибке"

Популярное в нашем Telegram-канале

Серіктестер жаңалықтары