Бүгін Италияның Милан және Кортина-д’Ампеццо қалаларында XXV қысқы Олимпиада ойындары ресми түрде басталады.
2026 жылғы Милан–Кортина қысқы Олимпиадасының ашылу салтанатына әлемнің түкпір-түкпірінен келген спортшылар қатысып, өз елдерінің туларын алып шығады. Негізгі салтанатты шара Милан қаласындағы әйгілі "Сан-Сиро" олимпиадалық стадионында өтеді. Ашылу рәсімін халықаралық деңгейдегі шоу-жобаларымен танымал Balich Wonder Studio ұйымдастырып отыр.
Ашылу салтанаты жергілікті уақыт бойынша сағат 20:00-де бір мезгілде бірнеше алаңда өтеді. Қазақстандық көрермендер Олимпиаданың ашылу рәсімін Астана уақытымен 23:50-ден бастап Jibek Joly телеарнасының тікелей эфирінен көре алады.
Қысқы Олимпиада ойындарында барлығы 116 медаль жиынтығы сарапқа салынады. Дүбірлі додаға әлемнің 93 елінен 3 500-ден астам спортшы қатысады. Қазақстан құрамасы Италияға 36 спортшыны аттандырды.