Ішкі істер министрлігін Әкімшілік құқық бұзушылық туралы кодекске өзгерістер енгізу мәселелерін пысықтап жатыр. Бұл туралы ІІМ бірінші орынбасары Марат Қожаев депутаттардың сауалына берген жауабында айтты.
Кодеске пәтерін шетелдіктерге жалға беретін азаматтардың жауапкершілігін күшейтуге қатысты өзгерістер енгізу көзделген. Атап айтқанда:
- ішкі істер органдарын уақтылы хабардар етпегені үшін шетелдіктерді қабылдайтын адамдардың жауапкершілігі күшейтіледі (ескерту 10 айлық есептік көрсеткіш мөлшерінде айыппұлға ауыстырылады), сондай-ақ келген шетелдік туралы хабарлама беру немесе шақыруды ресімдеу кезінде ақпарат берудің дұрыстығы үшін жауапкершілік енгізіледі;
- шетелдіктердің уақытша есепке қою немесе виза алу кезінде көрсетілген мекенжайы бойынша тұрмағаны үшін жауапкершілігі көзделеді.
Оқи отырыңыз: Айыппұл 92 мың теңге. Шетел азаматына пәтерді жалға берерде не білу керек?
Айта кетейік, Ішкі істер органдары азаматтар мен шетелдіктердің мекенжайлаын тексеріп, 9 846 әкімшілік құқық бұзушылық анықтады. Оның ішінде 4 341-і болу мерзімін бұзғаны, 14 430-і шетелдіктердің еңбек қызметін заңсыз жүзеге асырғаны анықталды, 344 жұмыс беруші, шетелдіктер туралы ішкі істер органын хабардар етпегені үшін 3718 азамат жауапкершілікке тартылған.
