Полиция қызметкерлері хабар-ошарсыз кеткен 53 адамның орналасқан жерін анықтады.
Іздеуде жүрген адамдарды ұстау бойынша жедел-профилактикалық іс-шара аясында екі күн ішінде 280 күдікті ұсталды, деп хабарлады Polisia.kz.
Оның ішінде:
- кісі өлтіргені үшін – 9;
- денсаулыққа ауыр зиян келтіргені үшін – 4;
- қарақшылық шабуыл үшін – 5;
- тонау үшін – 7;
- есірткі қылмысы үшін – 19.
Республикадан тыс жерлерде 33 күдікті құрықталып, ал басқа мемлекеттердің сұрауымен 145 адам қамауға алынды.
Сонымен қатар жүргізілген жұмыс барысында полиция қызметкерлері хабар-ошарсыз кеткен 53 адамның орналасқан жерін анықтады.
