Ғалым, академик Амангелді Айталы өмірден озды

Белгілі ғалым, академик, мемлекет және қоғам қайраткері амангелді айталы дүниеден өтті. Ақпаратты Ғылым және жоғары білім министрлігі растады. 

Амангелді Айталы – философия ғылымының докторы, профессор, Әлеуметтік ғылым академиясының академигі. 

Ол Ақтөбе мемлекеттік педагогикалық институтын, Әл-Фараби атындағы Қазақ ұлттық университетінің аспирантурасын бітірген. Еңбек жолын ауыл мектебінде бастауыш сынып мұғалімі болып бастап, Ақтөбе мемлекеттік педагогика иниститутында аға оқытушы, кафедра меңгерушісі, проректор болып еңбек етті. 

Парламент Мәжілісінің депутаты болды. 

Кейінгі жылдары Жұбанов атындағы Ақтөбе өңірлік мемлекеттік университетінің "Әлеуметтік саяси пәндер" кафедрасының профессоры, "Білім мен тәрбиенің дүниетанымдылық әлеуметтік мәселелерін зерттеу" орталығының жетекшісі болып қызмет етті.