Елордада Нұрғиса Тілендиев пен Батырхан Шүкеновке мурал салынды

Нұр-Сұлтан қаласы Сарыарқа ауданында еліміздің маңдайына біткен ерекше талант иелері Нұрғиса Тілендиев пен Батырхан Шүкеновке мурал салынды, деп хабарлады Нұр-Сұлтан қаласының әкімдігі. 

"Екі композитордың туындылары әлі күнге дейін тыңдарманын жоғалтқан жоқ. Нұрғиса Тілендиевтің "Аққу", "Әлқисса", "Махамбет" күйлері мен "Құстар әні", "Куә бол", "Сарыжайлау" сияқты әндері әлі күнге дейін халықтың жадында сайрап тұр, ал Батырхан Шүкеновтың "Отан ана", "Жүрегімде Астана", "Джулия", "Твои шаги" сияқты әндері музыка өнеріндегі қайталанбас туындылар", – делінген әкімдіктің хабарламасында. 

---

Оқи отырыңыз: Біз білмейтін Батыр

---

Айта кетейік, мурал "Romul" ЖШС бастамасымен Нұрғиса Тілендиев даңғылы, 38 мекенжайында салынып жатқан көппәтерлі тұрғын үй кешенінің қасбетіне салынды.