Елорда мектептеріне Қонаев, Бағланова, Оңғарсынованың есімі берілді

Нұр-Сұлтан қаласында 8 білім ордасы тарихи тұлғалардың есімін иеленді.

Бұл туралы тілдерді дамыту және архив ісі басқармасының басшысы Сәкен Есіркеп хабарлады.

"Ономастикадағы жағымды жаңалық. Қазақстан Республикасы үкіметінің 2022 жылғы 14 наурыздағы № 123 қаулысына сәйкес елордамыздағы 8 мектепке тарихи тұлғаларымыздың есімі берілді" – деді Сәкен Есіркеп.

Әрі қарай ол қай мектептердің атауы өзгергенін бөлісті:

  • № 2 балалар музыка мектебіне Роза Бағланованың;
  • № 3 балалар музыка мектебіне Ермек Серкебаевтың;
  • № 11 мектеп-лицейге Өзбекәлі Жәнібековтің;
  • № 49 орта мектепке Қошке Кемеңгерұлының;
  • № 66 мектеп-лицейге Дінмұхамед Қонаевтың;
  • № 69 мектеп-гимназияға Кемел Ақышевтың;
  • № 77 мектеп-гимназияға Фариза Оңғарсынованың;
  • № 83 мектеп-гимназияға Ыбырай Алтынсариннің аты ресми берілді.

Еске салсақ, Талдықорғанда мұғаліміне бейәдеп сөйлеген оқушыға "ұсақ бұзақылық" бабы бойынша хаттама толтырылғаны туралы хабарлаған едік. Мұғалім Талдықорған қаласының полиция бөліміне арыз жазған болатын.

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары