Елорда мектептері мен көшелеріне қазақтың біртуар тұлғаларының есімі беріледі

Елордада көше, саябақ пен нысандарға атау беруге қатысты жеке және заңды тұлғалар өтініш жолдады, деп хабарлайды қала әкімдігінің баспасөз қызметі. 

Ономастикалық комиссияның кезекті отырысында көшелерге Нұркен Әбдіров, Шерхан Мұртаза, Сафуан Шаймерденов, Нұрлан Балғымбаев, Тұрсынбек Кәкішев есімін беруді, сол сияқты елорда мектептеріне Талғат Бигелдинов, Мағжан Жұмабаев, Темірбек Жүргенов есімдерін беру жөнінде ұсыныс мақұлданды.

"Берік Жакенов өзінің қорытынды сөзінде ономастикалық жұмыс мемлекеттік саясатта маңызды орын алатынын, оның Қазақстанның егемендігі мен тәуелсіздігін нығайтудағы, ұлттық мәдениеттің дамуындағы, халықтың менталитетінің ерекшеліктерін сақтаудағы даусыз рөлін атап өтті. Сондай-ақ көшелер мен объектілерді атау кезінде елордамыздың ерекше мәртебесін ескеруге шақырды", – делінген хабарламада. 

---

Оқи отырыңыз: Тоқаев: Қазақстанды дамытуға өзге этностардың қосып жатқан үлесін мемлекеттік тілде насихаттау маңызды

---