Мемлекет басшысы "Самұрық-Қазына" акционерлік қоғамының басқарма төрағасы Нұрлан Жақыповты қабылдады, деп хабарлады Ақорда.
Нұрлан Жақыпов қордың биылғы бірінші жартыжылдықтағы қызметінің негізгі қорытындылары және алдағы жұмыстарының жоспарын таныстырды.
- басты өндірістік көрсеткіштер жоспарға сәйкес атқарылып отыр;
- қордың кірісі 7,9 триллион теңге. Бұл белгіленген жоспардан 7 пайызға артық;
- қор тікелей шетелдік инвестицияның катализаторына айналды. Сонымен қатар мұнай-газ химиясы, энергетика, көлік және логистика, машина жасау, цифрландыру салаларындағы жобаларға шетелдік серіктестерімен бірлесіп инвестиция құяды.
"Самұрық-Қазына" тобының инвестициялық портфелінде жалпы сомасы 53,5 триллион теңге болатын 130-дан астам жоба бар екенін баяндады. Мұнай-газ, мұнай химиясы, энергетика, логистика салаларында және тау-кен өнеркәсібінде жүзеге асырылатын жобалар ел экономикасына мультипликативті әсер етеді деп күтіліп жатыр.
Қордың бизнестің әлеуметтік жауапкершілігі аясындағы қайырымдылық жобалары туралы мәлімет берді. Жыл соңына дейін елімізде 60 оңалту орталығы мен инклюзия кабинетін ашу жоспарланып отыр.
Мемлекет басшысы инвестициялық және әлеуметтік жобаларды жүзеге асыру, сонымен қатар қор жұмысын одан әрі жетілдіру жөнінде нақты тапсырма берді.
