Елбасы Нұрсұлтан Назарбаев қазір елордада - Айдос Үкібай

Елбасы Қазақстанның астанасы Нұр-Сұлтан қаласында, деп хабарлады Елбасының баспасөз хатшысы Айдос Үкібай.

 

“Қасақана жалған және екіұшты ақпарат таратпауды сұраймыз. Елбасы бірнеше консультативті кездесулер өткізіп жатыр және Қазақстан президенті Қасым-Жомарт Тоқаевпен тікелей байланыста”,– деп жазды баспасөз хатшысы.

 

Сонымен қатар, Нұрсұлтан Назарбаев Қазақстанмен достастықтағы мемлекет басшыларымен телефон арқылы сөйлесті.

 

“Елбасы елдің біртұтастығын сақтау және қазіргі жағдайды еңсеру үшін барлығын Қазақстан президентінің айналасына топтасуға шақырады”,– деп жазды Айдос Үкібай.