Экономика министрі коммуналдық тарифтердің неге артатынын түсіндірді

Коммуналды тарифтер осы жылдың маусым-шілде айларынан бастап біртіндеп көтеріледі. Тарифтердің не үшін артатынын Мәжіліс кулуарында ұлттық экономика министрі Әлібек Қуантыров түсіндірді.

"Коммуналды тарифтер осы жылдың маусым-шілде айларынан бастап көтеріледі. Бірақ біз оны біртіндеп көтереміз. Себебі, тарифтер халық үшін қолайлы болуы керек. Болжам бойынша, ол 10-30 пайыз аралығында болады. Бірақ әр өңірде әртүрлі, желілердің ескіру деңгейіне қарай өседі. Мысалы, Екібастұз тарифтерді 108 пайызға көтеруді ұсынды, бірақ біз онымен келіспедік", – деді министр.

"Тарфитерді көтеру бір жағынан ескірген желілер мен ЖЭО жаңартуға және тұрғын үй-коммуналдық шаруашылық саладағы қызметкерлердің жалақысын көтеру үшін қажет. Себебі олардың жалақысы өте төмен", – деді министр.