Барлығы 30-дан астам адам медициналық көмекке жүгінген.
Дәмханадағы оқиға Екібастұзда 28 адамның ауруханаға жатқызылуымен аяқталды, деп хабарлады Павлодар облысының денсаулық сақтау басқармасы.
Мереке қаладағы мекемелердің бірінде өтті. Келесі күні, яғни 14 сәуірде шара қонақтары жергілікті жұқпалы аурулар ауруханасының жедел жәрдем бөліміне жаппай жүгіне бастады.
Барлығы 32 адам дәрігерге қаралып, оның 28-і ауруханаға жатқызылды. Барлығында ұқсас белгілер болды: құсу, іштің ауыруы, дене температурасының жоғарылауы.
Оқи отырыңыз: Депутат: Қазақстандағы әрбір үшінші мектепте кәсіби білімі жоқ аспаздар жұмыс істейді
Ауруханаға түскендер қазір ем қабылдап жатыр. Науқастардың жағдайы орташа ауыр. Дәрігерлер патогендік микроорганизмдер арқылы инфекцияны жоққа шығармайды.
