ЕGov порталында декларация тапсырудың жаңа сервисі іске қосылды

Декларацияны 15 шілдеге дейін – қағаз түрінде, 15 қыркүйекке дейін электронды түрде тапсыру қажет.

Жалпыға бірдей декларациялау аясында салық декларациясын тапсыру үшін жаңа функционал іске қосылды. Бұл туралы Мемлекеттік кірістер комитеті хабарлады.

eGov порталында "Кеден және салықтар", "Салық салу" бөлімінде кірістер мен мүлік туралы декларацияны (270.00-нысан) электронды түрде ұсыну функционалы іске қосылды.

"Салық кодексінің 633-бабына сәйкес кірістер мен мүлік туралы декларацияны (270.00-нысан) Салық кодекстің 630-бабының 1-тармағында аталған жеке тұлғалар жыл сайын, активтер мен міндеттемелер туралы декларация (250.00-нысан) ұсынылатын жылдан кейінгі жылдан бастап есепті салықтық кезеңнің 31 желтоқсанындағы жағдай бойынша ұсынады", – делінген хабарламада.


Оқи отырыңыз: Салық декларациясын ұсынған 440 жеке тұлғаның 58 шет мемлекеттің банктерінде шоты бар


Декларацияны 2021 жылы, яғни бірінші кезеңде, декларациялау жүйесіне кірген тұлғалар тапсырады.

Еске сала кетейік, декларацияны тапсыру мерзімі:

  • 15 шілдеге дейін – қағаз түрінде;
  • 15 қыркүйекке дейін – электронды түрде.

Декларацияны электронды түрде "Салық төлеушінің кабинеті" және e-Salyq Аzamat мобильді қосымшасы арқылы да тапсыруға болады.

Активтер мен міндеттемелер туралы декларацияны (250.00-нысан) да eGov порталы арқылы тапсыруға болады. Оны 2023 жылы мемлекеттік мекемелер мен квазимемлекеттік сектор ұйымдарының қызметкерлері мен олардың жұбайлары ұсынуы қажет. 

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Біздің Telegram-каналдағы ең көп оқылған жаңалықтар

Серіктестер жаңалықтары