Астанада түнгі отшашу тұрғындардың тыныштығын бұзды.
Астанада қоғамдық тәртіпті бұзған 25 жастағы жігіт 5 тәулікке әкімшілік қамауға алынды. Бұл туралы Polisia.kz хабарлады.
Оқиға досының үйлену тойынан кейін болған. Жас жігіт мейрамханаға қарама-қарсы аумақта пиротехникалық бұйымдарды іске қосқан.
Отшашудың салдарынан жақын маңдағы тұрғын үй кешендерінде тұратын азаматтардың тыныштығы бұзылған.
Полиция қызметкерлері құқық бұзушылықты тіркеп, материалдарды сотқа жолдаған. Сот шешімімен 25 жастағы азамат әкімшілік жауапкершілікке тартылып, 5 тәулік мерзімге қамауға алынған.