Fox News болжамынан кейін Дональд Трамп өзін 2024 жылғы президенттік сайлауда жеңімпаз деп жариялады, деп хабарлайды Reuters.
"Америка бізге мықты мандат берді. Халық тағы да өз таңдауын жасады, енді біз елімізді мықты әрі қауіпсіз ету үшін жұмыс істейтін боламыз. Бізді қоғамның барлық санатындағы адамдар қолдады. Бізге болашақ керек екенін түсінетіндер, Американың қайта мықты, америкалықтардың бірінші орында екенін көретіндер. Мен азаматтарымыздың тоқтаусыз өсіп жатқан бағадан шаршағанын түсінемін. Біз экономиканы қалпына келтіреміз және барлық америкалықтың әл-ауқатын жақсартамыз", – деді Трамп сөйлеген сөзінде.
Оқи отырыңыз: Дональд Трамп АҚШ-тағы президент сайлауында көш бастап тұр
Ресми қорытындылар әлі жасалмағанымен, Edison Research деректері Трамптың Пенсильвания, Солтүстік Каролина және Джорджия сияқты бірқатар өз дауысын кімге беретінін білмей отырған штаттарда басымдыққа ие екенін көрсетті. Осы жағдай оның позициясын нығайтып, жеңіске бір табан жақындатты.
Камала Харрис өзі оқыған Ховард университетінде жиналғандардың алдында сөз сөйлеуден бас тартты. Оның орынбасары Седрик Ричмонд Харрис кейінірек сөйлейтінін айтты, себебі "дауыс санау әлі де жалғасып жатыр".
Трамп 2020 жылғы көрсеткіштерінен асып түсіп, әртүрлі аймақтарда күшті нәтижелер көрсетті.
