31 қазан 2023, 16:29

Діни әдебиеттер мен заттай дәлелдер бар: терроризмді насихаттаған Алматы облысының тұрғыны ұсталды

Қаз Qaz قازاق

Тінту жұмыстары кезінде діни әдебиеттер мен өзге де заттай дәлелдемелер тәркіленді.

Бүгін Ұлттық қауіпсіздік комитеті мен полиция органдары бірлесіп, Алматы облысының тұрғынын ұстады. Бұл туралы ҚР Ұлттық қауіпсіздік комитетінің баспасөз қызметі хабарлады.

"Ол терроризм идеяларын насихаттады деп күдіктелуде. Тұрғылықты жері бойынша тінту кезінде діни әдебиеттер мен өзге де заттай дәлелдемелер тәркіленді. Қылмыстық кодекстің 256-бабының 1-бөлігі бойынша сотқа дейінгі тергеп-тексеру жүргізілуде", – деп жазылған хабарламада.

Қылмыстық-процестік кодекстің 201-бабының 1-бөлігіне сәйкес өзге ақпарат жария етуге жатпайды.

Оқи отырыңыз: Алматы облысының тұрғыны терроризмді насихаттағаны үшін ұсталды.