Тікелей эфир

Депутат "Бақытты отбасы", "Шаңырақ" бағдарламасы бойынша бастапқы жарнаны алып тастауды ұсынды

Биыл "Бақытты отбасы" және "Шаңырақ" бағдарламасы үшін 71,9 млрд теңге бөлінген.

Мәжіліс депутаты Гаухар Танашева "Бақытты отбасы" және "Шаңырақ" бағдарламалары бойынша бастапқы жарнаны алып тастауды ұсынды. Бұл туралы Үкімет отырысында премьер-министр Әлихан Смайыловқа жолдаған сауалында айтты.

Елімізде халық санының қарқынды өсуі жағдайында аталған бағдарламалар бойынша несиелеу көрсеткіштері өте төмен.

"Бақытты отбасы" бағдарламасы бойынша соңғы төрт жылда 14 938, "Шаңырақ" бағдарламасы бойынша 19 394 несие берілген. Бұл көрсеткіштер өте төмен.  Осыған орай екі бағдарламада да бастапқы жарнаны міндетті шарттардан алып тастауды ұсынамын" – деді Гаухар Танашева.


Оқи отырыңыз: "Шаңырақ", "Ұмай", "Жас отбасы". 2022 жылы баспаналы болудың жеті жолы


Биыл "Бақытты отбасы" және "Шаңырақ" бағдарламасы үшін 71,9 млрд теңге бөлінген.

"2023 жылға бөлінген бюджет баспана кезегінде тұрған 415 700 адамның шамамен, 6 786 өтінішін қабылдауға жетеді. Бұл көрсеткіш ипотека бойынша баспана ала алатын мұқтаждардың жалпы санының 1,6 пайызын құрайды. Халықтың әлеуметтік осал санаттарын қолжетімді баспанамен қамтамасыз ету үшін қолданыстағы ипотекалық бағдарламаларды қайта қарау қажет" – деді депутат.

Біздің Telegram-каналдағы ең көп оқылған жаңалықтар
Серіктестер жаңалықтары