Депутат әр туған баласы үшін әйелдердің зейнетке шығу жасын екі жылға қысқартуды ұсынды

Бірақ, қысқартылатын жылдар саны 10-нан аспауы тиіс.

Мәжіліс депутаты Аманжан Жамалов дүниеге бала әкелген аналардың зейнетке шығу жасын қысқартуды ұсынды. Оның айтуынша, дүниеге әкелген әр баласы үшін әйелдің зейнетке шығу жасы 2 жылға қысқаруы қажет. Бірақ, қысқаратын жылдар саны 10-нан артық болмауы керек.

"Осылайша, үш бала туған әйел зейнет демалысына 6 жыл бұрын шығады. Қазіргі таңда, әйелдердің зейнет жасын өсіруді тоқтатып қойған кезеңде, ол 55 жаста шығады. Ал әйелдердің зейнет жасы 63-ке көтерілгеннен кейін ол 57 жаста зейнеткер атануға мүмкіндік алады", – деді депутат.


Оқи отырыңыз: Әйел, шахтер және мүгедектігі барлардың зейнет жасы төмендеуі мүмкін


Сондай-ақ, Аманжан Жамаловтың айтуынша, Қазақстанда соңғы үш жылда әйелдердің өмір сүру ұзақтығы 1,5 жылға (77-ден 75,5 жасқа) қысқарған.

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары