City Run: 16 қарашада Алматыда жолдың бір бөлігі уақытша жабылады

2025 жылғы 16 қарашада Алматыда маусымның соңғы City Run жүгіру жарысы өтеді, деп хабарлайды әкімдіктің баспасөз қызметі. 

Қала әкімдігінің хабарлауынша, жарыс күні сағат 08:00–10:00 аралығында бірқатар көшелерде көлік қозғалысы уақытша шектеледі.

• Төле би көшесі Назарбаев даңғылынан Абылай хан даңғылына дейін 15 қараша сағат 04:00-тен 16 қараша сағат 12:00-ге дейін толық жабылады.
• Наурызбай батыр, Бөгенбай батыр, Қабанбай батыр, Шевченко және Құрманғазы көшелерінде қозғалыс кезең-кезеңімен сағат 08:00–10:00 аралығында тоқтатылады.
• Балама бағыт – Мақатаев көшесі, мұнда екі бағытта да қозғалыс ашық болады.

Жарыстың сөресі мен мәресі Астана алаңында орналасады.