Чемпиондар лигасы: "Қайрат" "Интерден" 1:2 есебімен жеңілді

Чемпиондар лигасының негізгі кезеңінің төртінші турында "Қайрат" Миландағы "Джузеппе Меацца" стадионында "Интермен" кездесіп, 1:2 есебімен жеңіліп қалды.

Бірінші тайм соңында Лаутаро Мартинес алаң иелерін алға шығарды (1:0). Екінші таймның 55-минутында "Қайрат" капитаны Офри Арад есепті теңестірді — бұл миландықтардың биылғы Чемпиондар лигасындағы алғашқы жіберген голы болды. Алайда 67-минутта Карлос Аугусто бұрыштамадан дәл соққы жасап, "Интерге" жеңіс әкелді (2:1).

Қақпашы Темірлан Анарбеков тамаша ойын көрсетіп, 7,6 ұпаймен "Қайраттың" үздік ойыншысы атанды.

Бұл матчтан кейін "Қайрат" төрт ойында бір ғана ұпай жинап отыр.