Бұрынғы денсаулық сақтау министрі Елжан Біртановқа қатысты сот үкімі шықты

Елжан Біртановқа бас бостандығын шектеу жазасы тағайындалды.

Астананың Сарыарқа аудандық соты бұрынғы Денсаулық сақтау министрі Елжан Біртановқа қатысты үкім шығарды.

"Сот үкімімен: Біртанов Елжан Амантайұлы Қазақстан Республикасы Қылмыстық кодексінің 361-бабының 3-бөлігі бойынша санитарлық авиацияны пайдалану эпизоды бойынша кінәсіз деп танылсын және іс-әрекетінде  қылмыстық құқық бұзушылықтың болмауына байланысты ақталсын. Біртанов Елжан мен Әбішев Олжас Қазақстан Республикасы Қылмыстық кодексінің 361-бабының 4-бөлігінің 3-тармағында көзделген қылмыстық құқық бұзушылықты жасағаны үшін кінәлі деп танылып, Біртановқа – осы бап бойынша бес жыл мерзімге бас бостандығын шектеу, Әбішевке төрт жыл мерзімге бас бостандығын шектеу түріндегі жаза тағайындалсын", – деп сот үкімін судья Әлкенов оқыды.

Айыптаушы тарап өкілеттігін асыра пайдаланды деген айыппен бұрынғы Денсаулық сақтау министрі Елжан Біртановты – алты жылға, бұрынғы вице-министр Олжас Әбішевті бес жылға бас бостандығынан айыруды сұрады. Сондай-ақ олардан мемлекетке келтірілген шығын – 1,5 миллиард теңгені төлеуді талап етті.


Оқи отырыңыз: Елжан Біртанов: "Бостандықта жүрсем, елге көбірек пайдам тиер еді"


Еске салайық, Елжан Біртанов 2020 жылдың 7 қарашасынан бері үйқамақта отыр. Ол алғашында аса ірі көлемде бюджет қаражатын жымқырды деген күдікке ілінді, кейін бұл бап "Қызметтік өкілеттіктерді асыра пайдалану" болып өзгертілді. Сот отырыстарында Елжан Біртанов сыбайлас жемқорлыққа қатысты істерге қатысы жоқтығын бірнеше рет айтқан. Экс-министр билігін асыра пайдалану туралы айыпты да мойындамады.

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите её мышью и нажмите Ctrl+Enter

 Если вы нашли ошибку в тексте на смартфоне, выделите её и нажмите на кнопку "Сообщить об ошибке"

Серіктестер жаңалықтары