Қазақстанның барлық өңірінде төтенше жағдай жарияланды

Мемлекет басшысы Қасым-Жомарт Тоқаев азаматтардың маңызды және тікелей қауіпсіздігіне байланысты қоғамдық қауіпсіздікті қамтамасыз ету, заңдылық пен құқықтық тәртіпті қалпына келтіру, азаматтардың құқықтары мен бостандықтарын қорғау мақсатында Қазақстанның барлық өңіріне төтенше жағдай жариялады, деп хабарлады Ақорда.

Төтенше жағдай кезеңінде барлық өңірде сағат 23:00 - 07:00 аралығында  коменданттық сағат енгізіледі. Сонымен қатар, жеке тұлғалардың жеке басын куәландыратын құжаттарды тексеру, оларды жеке тексеру, заттарын, көлік құралдарын тексеру жүргізіледі. Өңірге кіру, сондай-ақ одан шығу шектеледі.

Өңірлердегі коменданттар тағайындалды:

• Солтүстік Қазақстан облысының коменданты - облыстық Полиция департаментінің бастығы Марат Сағынтайұлы Төлебаев;
• Павлодар облысының коменданты - облыстық Полиция департаментінің бастығы Нұрлан Мырзаханұлы Мәсімов;
• Қостанай облысының коменданты - облыстық Полиция департаменті бастығының міндетін атқарушы Қайрат Сыздықұлы Дүйсембеков;
• Түркістан облысының коменданты - облыстық Полиция департаментінің бастығы Қайрат Сұлтанбайұлы Дәлбеков;
• Қарағанды облысының коменданты - облыстық Полиция департаментінің бастығы Ерлан Жұмасейітұлы Файзуллин;
• Батыс Қазақстан облысының коменданты - облыстық Полиция департаментінің бастығы Мақсұтхан Нұғманұлы Әбіләзімов;
• Шығыс Қазақстан облысының коменданты - облыстық Полиция департаментінің бастығы Сағат Кентайұлы Мәдиев;
• Ақтөбе облысының коменданты - облыстық Полиция департаменті бастығының міндетін атқарушы Қанат Советұлы Әлиев;
• Ақмола облысының коменданты - облыстық Полиция департаментінің бастығы Арманбек Хәкімбекұлы Баймұрзин;
• Қызылорда облысының коменданты - облыстық Полиция департаментінің бастығы Бектөре Жеңісбайұлы Сұлтан;
• Жамбыл облысының коменданты - облыстық Полиция департаментінің бастығы Жанат Қуанышұлы Сүлейменов;
• Атырау облысының коменданты - облыстық Полиция департаментінің бастығы Үмбетқалиев Қамза Бақтығалиұлы;
• Шымкент қаласының коменданты - қалалық Полиция департаментінің бастығы Ералы Мұсалиұлы Жұмаханбетов.

Жарлық қол қойылған күнінен бастап қолданысқа енгізілді.