Бизнес құқықтарын қорғау – сыбайлас жемқорлыққа қарсы қызметтің негізгі басымдықтарының бірі

2022 жылы бизнес субъектілерінің әкімшілік талап-арыздарының шамамен 55 пайызы сот қанағаттандырылған.

25 қаңтарда Қызылорда облысы бойынша "Атамекен" өңірлік кәсіпкерлер палатасында Сыбайлас жемқорлыққа қарсы агенттіктің Қызылорда облысы бойынша департаменті басшысының міндетін атқарушы Ернар Мақажанов шағын және орта бизнес өкілдерімен бизнесті жүргізуге кедергі келтіретін мәселелерді, сондай-ақ әкімшілік кедергілерді талқылау мақсатында кездесу өткізді.

Мемлекет басшысы өзінің Жолдауында "Бизнеске заңсыз кедергі келтіру мемлекет мүддесіне қарсы бағытталған қылмыс ретінде қарастырылатынын" айтып өткені белгілі. Кәсіпкерлердің проблемалары көбінде шенеуніктердің жемқорлығы, әкімшілік кедергілер және заңнамалық олқылықтармен байланысты. 

"Атамекен" ұлттық кәсіпкерлер палатасының деректері бойынша, 2022 жылы бизнес субъектілерінің әкімшілік талап-арыздарының шамамен 55 пайызы сот қанағаттандырылған. Бұл мемлекеттік органдардың әрекеттері мен шешімдерінің заңсыздығын көрсетеді.

Кездесу барысында Ернар Мақажанов агенттік төрағасының бастамасымен биылғы жыл Сыбайлас жемқорлыққа қарсы қызмет үшін "Бизнесті қорғау жылы" болып айқындалғанын, бұл ретте, нақты проблемаларды шешуде практикалық көмек және жүйелі мәселелерді талдамалау арқылы шешу жұмыстары жүргізілетінін атап өтті.

Осы орайда, мемлекеттік органдар іс-әрекеттеріне, әкімшілік кедергілерге қатысты шағымдарды жедел алу және қарау үшін, бизнес өкілдерін апта сайын осы "Атамекен" палатасында немесе басқа диалог алаңдарында "бейресми атмосферада" жеке қабылдауға дайын екендігін жеткізді.

Кездесуде құрылыс, жеке балабақша, қоғамдық тамақтандыру, қызмет көрсету және т.б. салалардағы кәсіпкерлердің бизнес жүргізудегі проблемалық мәселелері тыңдалып, олар бойынша тиісті тапсырмалар берілді.

Алдағы уақытта департамент "Атамекен" палатасымен бірлесіп кәсіпкерлердің неғұрлым өзекті проблемаларын айқындап, қалыптасқан кедергілерді жою мақсатында шұғыл шаралар қабылдайды.

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Бөлісу:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары