Белгілі диктор Әбдірәлі Бөлебай өмірден озды

Радио және телевизия саласының ардагері 70 жасқа қараған шағында еді.

Радио және телевизия саласының ардагері, белгілі диктор Әбдірәлі Бөлебай дүние салды. Бұл туралы Ақпарат және қоғамдық даму министрлігі хабарлады.

Әбдірәлі Бөлебай бүкіл саналы ғұмырын қазақстандық журналистиканың дамуына арнады. Ол өмірінің соңында дейін Қазақ радиосында дикторлық қызмет атқарды.

Әбдірәлі Бөлебай. Фото: Ақпарат және даму министрлігі

"Еңбек жолында Хабар, Қазақстан телеарналарында дикторлық өнердің қыр-сырын терең меңгерген, дауыс үні өзгеше, шеберлігі толысқан білікті маман ретінде өз ізін қалдырды. Кез келген ақпараттың шырайын шығарып оқитын Әбдірәлі ағамыздың бейнесі көзі қарақты көрерменнің жадында мәңгі қалары сөзсіз. Әбдірәлі ағамыздың алтын дауысы Қазақ радиосының "Алтын қорында" сақтаулы", – делінген Ақпарат және қоғамдық даму министрлігінің хабарламасында.

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Бөлісу:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары