Тура бір ай бұрын Біріккен Араб Әмірліктері де фильмнің көрсетіліміне тыйым салған болатын.
Мәдениет және спорт министрі Дәурен Абаев Қазақстан кинотеатрларында Walt Disney және Pixar бірлесіп шығарған "Базз Лайтер" анимациялық фильмі көрсетілмейтінін хабарлады.
"Ел азаматтары мен БАҚ өкілдері тарапынан шетелдік "Базз Лайтер" анимациялық фильміне қатысты көптеген сұрақ келіп түсті. Аталған картина Қазақстан кинотеатрларында көрсетілмейді", – деп жазды Дәурен Абаев.
Анимациялық фильмде бір жынысты кейіпкерлердің сүйісу эпизоды көптеген елдерді наразылықты туғызған болатын. Маусым айында Біріккен Араб Әмірліктері фильмнің өз елінде көрсетілуіне тыйым салды.
Оқи отырыңыз: БАӘ бір жынысты кейіпкерлер сүйіскен "Базз Лайтер" мультфильмін көрсетуге тыйым салды
