Батыс Қазақстан облысында сайлауға дайындық пысықталды

pixabay.com
pixabay.com

БҚО-да 2022 жылдың 20 қарашасына жоспарланған кезектен тыс президент сайлауына дайындық пен өткізу мәселелері пысықталған семинар кеңес өтті.

Орал қаласының Бөкеева атындағы қазақ драма театрындағы басқосуға ҚР Орталық сайлау комиссиясының мүшесі Шавхат Өтемісов қатысты. Бүгінде кандидаттардың үгіт-насихат жүргізу кезеңі басталып кетті. Бұл жұмыстар қараша айының 19-ына дейін жалғасады. Полиция қызметкерлері тұрғындарды ақпараттандыру кезінде ескерткіштер мен өзге де ғимараттар, әлеуметтік нысандар қабырғасына үн парақтар мен афишаларды ілуге болмайтынын қатаң ескертті.

"Қазір сайлау науқаны қызу өтіп жатырғанын сіздер жақсы білесіздер. Өздеріміздің жоспарымыз бойынша үшінші кезеңге көштік. Бірінші кезең-кандидаттарды ұсыну. Сол кезеңге 12 үміткер қатысып, құжаттары қаралып, Конституциялық сайлау туралы заң талаптарына сай болғандықтан 12 үміткер де тағайындалды. Сайлау комиссияларының төрағалары мен мүшелері тест тапсырды. Бұл сайлау науқанына жеңіл қарауға болмайды. Бұл жолғы сайлауға жаңа талаптар қойылады", – деді Орталық сайлау комиссиясының мүшесі Шавхат Өтемісов.


 
Облыста 505 сайлау учаскесі бар. Оның 14 жабық режимде жұмыс жасаса, 120-дан астамы Орал қаласы аумағында орналасқан. Өңірде президент сайлауы бойынша нақты шаралар қабылдануда. Саяси науқанда арнайы комиссияға артылар жауапкершілік те, салмақ та көп. БҚО әкімінің орынбасары Бақытжан Нарымбетов сайлауға вахталық әдіспен жұмыс жасайтын азаматтар мен студенттерді қатыстыру үшін шаралар қолға алынып жатқанын атап өтті. 

"Бізді мазалайтын санат-студенттер мен вахталық әдіспен жұмыс жасайтын азаматтарды сайлауға қатыстыру. Осы мәселе бойынша аудандық, қалалық әкімдіктермен, жоғары, орта арнаулы оқу орындарымен үлкен жұмыс жасалып жатыр. Тізім құрылып, вахталық әдіспен қызмет атқаратын жандар саны нақтыланып, 5789 сайлаушы тізімге енгізілді", – дейді БҚО әкімінің орынбасары Бақытжан Нарымбетов.

Дауыс беру учаскелерінде мүмкіндігі шектеулі азаматтардың сайлауға қатысуына жағдай жасалады. Орталық сайлау комиссиясының қатысуымен ұйымдастырылған көшпелі жиындар комиссия мүшелеріне әдістемелік көмек беруге негізделіп, сайлаудың жоғары деңгейде өткізілуі үшін учаскелер дайындығын пысықтауға бағытталады.

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите её мышью и нажмите Ctrl+Enter

 Если вы нашли ошибку в тексте на смартфоне, выделите её и нажмите на кнопку "Сообщить об ошибке"

Популярное в нашем Telegram-канале

Серіктестер жаңалықтары