Тікелей эфир

Бастауыш сынып оқушылары мектепке қатынап оқиды

Балабақшалар жасыл, сары не қызыл аймақта орналасуына қарамастан жұмыс істейді.

Бұл туралы премьер-министрдің орынбасары Ералы Тоғжановтың төрағалығымен өткен ведомствоаралық комиссияның отырысында белгілі болды.

ВАК талқылауының қорытындысы бойынша 24 қаңтардан бастап оқытудың штаттық форматына рұқсат беру ұсынылды:

  • мектепке дейінгі ұйымдарда – ата-аналардың өтініштері бойынша ("қызыл", "сары", "жасыл" аймақтарда);
  • оқушы саны 600-ге дейін (қоса алғанда) жалпы білім беретін мектептерде;
  • оқушы саны 600-ден асатын жалпы білім беретін мектептерде – жобалық қуаттың 50%-ынан аспайтын жүктемемен;
  • жалпы білім беретін мектептерде – бастауыш 1-4 сыныптар (халықаралық мектептерде 5-6 сыныптарды қоса алғанда);
  • мектептен тыс ұйымдарда – жеке сабақтар, топтық сабақтар – 15 адамға дейін, мүмкіндігі шектеулі балаларға арналған түзету кабинеттерінде (орталықтарында), ересектерде – жеке және топтық сабақтар – 8 адамға дейін;
  • колледждер мен жоғары оқу орындарында – аралас форматта: практикалық, зертханалық, семинарлық сабақтар, өндірістік практика – икемді график бойынша штаттық режимде, дәрістер – онлайн.

Орта білім беру ұйымдарында, колледждерде, жоғары оқу орындарында барлық білім алушыларды қашықтан оқыту форматына ауыстыру карантин режимін бұзушылықтар анықталған кезде қолданылатын болады.


Оқи отырыңыз: 


 

Біздің Telegram-каналдағы ең көп оқылған жаңалықтар
Серіктестер жаңалықтары