Бас мүфти: Ел үшін әрқайсымыз шама келгенше үлес қосуға тырысайық

ҚМДБ басшысы сұйытылған газ бағасына байланысты наразылықтардан кейін ел тұрғындарына бейнеүндеу жасады.

"Ата-бабамыздың арманы болған Тәуелсіздігімізге осыдан 30 жыл бұрын қол жеткіздік. Қазіргі таңда осы Тәуелсіздікті сақтау – әрбір қазақстандық үшін қастерлі, қасиетті борыш. Алла Тағала Тәуелсіздігімізді баянды етсін. Тыныштығынан айырылған ел – жұлдызы жоқ аспан іспетті дейді. Тыныштық болмаса, кәсіптің, дүниенің еш пайдасы болмайтыны баршаңызға белгілі", – деді Наурызбай қажы Тағанұлы.

Бас мүфтидің айтуынша, Алла Тағала қасиетті Құранда "Жер бетінде тыныштық орнағаннан кейін бүлік жасамаңдар" дейді.

"Қазіргі уақытта, қадірлі ағайын, баршамызға бірлік, бауырмалдық қажет. Сондықтан барлығымыз Алладан елдің бірлігін, тыныштығын сұрайық. Осы ел үшін, елдің бірлігі үшін әрқайсымыз шамамыз келгенше үлес қосуға тырысайық. Жаратушы Алла Тағала біздің елімізге, Отанымызға ауызбіршілік, ынтымақ нәсіп етсін! Алла тіл-көзден сақтасын. Ішімізді даудан, сыртымызды жаудан сақтасын! Жаратушы Жаппар иеміз қазақ халқына ауызбіршілік, ынтымақ беріп, екі дүниенің бақытын нәсіп етсін", – деді Бас мүфти.

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Біздің Telegram-каналдағы ең көп оқылған жаңалықтар

Серіктестер жаңалықтары