Балалар жазушысы Шәкен Күмісбайұлы дүние салды. Бұл туралы "Мұнара" басылымының редакторы хабарлады.
Шәкен Күмiсбайұлы 1943 жылы 17 қазанда Алматы облысы Ақсу ауданы Қаракөз ауылында туған.
"Мәдениет және тұрмыс", "Қазақ елі", "Ана тілі", "Бала Би", "Айгөлек" басылымдарында, Сәбит Мұқанов пен Ғабит Мүсірепов мұражайында қызмет етті. "Балалар әдебиеті" баспасында бас редактор болды.
Халықаралық "Алаш" әдеби сыйлығының лауреаты атанған.
"Ақсақ шал" , "Тау жолдары", "Соқ, барабан", "Таудағы жазу", "Кішкене шал", "Қаладағы келін", "Қарақуыстың желі", "Атамның аманаты", "Қайсар бала", "Бір арқа отын", "Айдын көлдің аққулары", "Жапандағы жалғыз", "Солақай", "Итталас", "Жүз он бір жұмбақ", "Түңғыштар", "Шатақ шырпы", "Қалам мен дәптер", "Бейтаныс заттар дауы", "Табиғат-Ана", "Қазақтың нобелі", "Шапағатты шырақ", "Мамания", "Түнгі текетірес" кітаптарының авторы.