Азық-түлік экспортына шектеу қойылуы мүмкін

Қазірдің өзінде мал мен көкөніс экспортына тыйым салынған.

Бұл туралы Үкімет отырысында ҚР Премьер-министрінің орынбасары – Сауда және интеграция министрі Бақыт Сұлтанов хабарлады.

Министрдің айтуынша, азық-түлік инфляциясын тежеу және әлеуметтік маңызы бар тауарлардың бағаларын мемлекеттік реттеу шараларын күшейту үшін жергілікті атқарушы органдармен бірге азық-түлік тауарларының негізгі түрлерінің нақты және бағаның қолжетімділігін қамтамасыз ету бойынша іс-шаралар қабылданып жатыр.

Сондай-ақ, Сауда министрлігі Ауыл шаруашылығы министрлігімен бірге тауарларды өндіру, тұтыну және қайта бөлу теңгерімдерінің толық мониторингін қамтамасыз ететін болады.

"Орталық Азия елдерімен өзара іс-қимыл аясында импортталатын азық-түлік тауарларын тарту бойынша іс-шаралар қабылдануда. Қажет болған жағдайда экспорттық шектеу жөніндегі іс-шаралар уақытылы қабылданады. Қазірдің өзінде мал мен көкөніс экспортына тыйым салынған", – деді Бақыт Сұлтанов.


Оқи отырыңыз: Қасым-Жомарт Тоқаевтың мәжілісте сөйлеген сөзінің толық мәтіні


 

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Бөлісу:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары