Тікелей эфир

Азаматтық бастамаларға 650-ге тарта шағын грант бөлінеді

Шағын гранттар сомасы 300 мыңнан басталып, 1 млн теңгеге дейін барады. 

Биыл министрлік үкіметтік емес ұйымдарға арналған гранттық жобалар шеңберінде азаматтық бастамаларды іске асыруға 644 шағын грант бөліп отыр. Олардың 50-і ауылдық жерлердегі бастамаларды дамытуға бағытталған, деп хабарлайды ҚР АҚДМ баспасөз қызметі. 

"Шағын грант – бұл мемлекет тарапынан әлеуметтік жобаны дамыту немесе іске қосу мақсатына ұсынылатын жақсы мүмкіндік. Мысалы, ауылдық бастамаларды дамыту жобасы аясында ауыл тұрғындары, азаматтық белсенділер топ болып бірігіп, қандай да бір әлеуметтік мәселені шешуге атсалыса алады. Бұл балалар алаңын салу, балалардың бос уақытын ұйымдастыру немесе қысқа мерзімді тілдік курстарды ашуға қатысты жобалар болуы мүмкін. Шағын гранттарды республиканың кез келген өңірінде тұратын азаматтар иелене алады. Біз қоғам үшін пайдалы бастамалардың кең ауқымына жан-жақты қолдау көрсетеміз", – деді азаматтық бастамаларды қолдау орталығы басқарма төрағасының міндетін атқарушы Ғалым Құрман.

Шағын гранттар волонтерлерді қарттар үйіндегі қарияларға көмек көрсету шараларына тарту, ауылдағы бастамаларды дамыту, халықтың әртүрлі тобын цифрлық және қаржылық сауаттылыққа оқытуда волонтерлік көмек көрсету, жануарларға жауапкершілікпен қарауды қалыптастыру сияқты 20 түрлі бағытты қамтиды.

Бұл мақала сізге пайдалы болды ма?
0

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Біздің Telegram-каналдағы ең көп оқылған жаңалықтар
Серіктестер жаңалықтары