Астанада ҰҚК қызметкері терезеден құлап көз жұмды

Астанада тұрғын үйдің ауласынан ҰҚК қызметкерінің денесі табылды, ол терезеден құлап кеткен. Бұл туралы Informburo.kz порталына елорда полиция департаментінің баспасөз қызметі хабарлады.

"Мәйіт табылғаннан кейін қылмыстық іс қозғалды. Алдын ала деректер бойынша, 42 жастағы ер адам өз пәтерінің терезесінен құлап кеткен. Қазіргі уақытта оқиғаның мән-жайы анықталып жатыр", – деп растады ПД.

Оқи отырыңыз: Дарынды қаламгер Әкім Тарази дүниеден өтті

Ер адамның денесі 21 сәуірде табылды. Ұлттық қауіпсіздік комитеті қаза тапқан адамның ведомствоның қызметкері болғанын растады.