18 қаңтардан 19 қаңтарға қараған түні православтық христиандардың басты мерекелерінің бірі – “Крещение” мерекесін атап өтеді. Бұл туралы Астана қаласы әкімдігі хабарлады.
Мерекелік рәсім Қазақстанның барлық православтық шіркеулерінде басталды. Астанада бұл мереке Успен кафедралды соборында (Күйші Дина көшесі, 27), Констатино-Еленинский шіркеуінде (Республика даңғылы, 12), Серафим Саровский шіркеуінде (Бөгенбай батыр даңғылы, 8) өтеді.
"Шомылу рәсімі кезінде барынша қауіпсіз болуы үшін арнайы орындар жабдықталды. Астанада шомылу рәсімі арнайы белгіленген орындарда өтеді. Астананың жүздеген тұрғыны мен қонақтары жаппай шомылу орындарына жиналды. Жаппай шомылуға арналған ойықтар Есіл өзенінің сол жағалауында, "Астаналық" саябағының жағалау аймағында (орталық жағажайдың жанында) орнатылған", – деп жазылған хабарламада.
Суға шомылу орындары 18 қаңтар күні сағат 20.00-ден бастап суды тазартқаннан кейін 19 қаңтар сағат 02:00-ге дейін қолжетімді болды. Жаппай шомылу 19 қаңтарда сағат 08:00-ден 23:00-ге дейін жалғасады.
Оқи отырыңыз: "Крещение" мерекесі Астананың православие шіркеулерінде өтеді
Діни рәсім кезінде тұрғындардың қауіпсіздігін ТЖД судан құтқару қызметі мен Астана ПД қызметкерлері қамтамасыз етуде. Шомылу орындарында жедел жәрдем бригадалары кезекшілік етеді.
