Астанада бойжеткенді бұрынғы жігіті өлтіріп кеткен: інісі пышақ жарақатымен ауруханаға түсті

Артынша інісін де жарақаттағаны туралы ақпарат тарады.

Астанада адам өлтіру дерегі бойынша қылмыстық іс қозғалды. Күдікті ұсталып, уақытша ұстау изоляторына қамалды.

Полицияға тұрғын үйдегі пәтерлердің бірінде пышақ жарақаты туралы хабарлама түскен.

"Оқиға орнынан зорлық белгілері бар қыздың мәйіті табылды. Оның кәмелетке толмаған інісі де жарақат алып, пышақ жарақатымен ауруханаға жеткізілді", – делінген полиция хабарламасында.

Қазір оқиғаның мән-жайы анықталып жатыр. Желіде тараған ақпарат бойынша күдікті – қыздың бұрынғы жігіті.