Астанада бірқатар автобустың жүру жолы уақытша өзгерді

Астанада қоғамдық көлік қозғалысының сызбаларына уақытша өзгерістер енгізілді. Бұл туралы City Transportation Systems (CTS) компаниясы хабарлайды.

Баспасөз қызметінің мәліметінше, өзгерістер тоғыз бағытта жүретін автобустарға енгізілді:

№10, 12, 21, 29, 29А, 35, 46, 50 және 70.

Қалалық мобильділік басқармасының ақпараты бойынша, қазір Астананың бірнеше магистральды көшесінде жөндеу-қалпына келтіру жұмысы жүріп жатыр. Бұл қоғамдық көлік қозғалысына тікелей ықпал етіп отыр. Жөндеу аяқталғаннан кейін автобустар бұрынғы бағыттарымен қайта жүретін болады.

Жолаушыларға ыңғайсыздықты азайту үшін мынадай кеңестер берілді:

• сапарды алдын ала жоспарлау;
• CTS мобильді қосымшасында жаңартылған қозғалыс сызбасын қадағалау;
• балама бағыттарды пайдалану.