Арктикада мұз жамылғысы жоқ алғашқы күн 2030 жылға қарай болуы мүмкін – Гётеборг университеті

Норвегиядағы Гётеборг университетінің ғалымдары Баренц және Карск теңіздерінде биылғы қыста мүлде дерлік мұз жамылғысының қалыптаспағанын айтып, дабыл қақты. Олардың сөзінше, биыл тұтас Арктикадағы мұз жамылғысының жалпы аумағы ең төменгі рекордтық деңгейге жеткен. 

Ғалымдар бұған қысқы уақытта да жылы ауа толқындарының болуы мен мұхит суының тез жылуын себеп ретінде атап отыр. 

"Мұхиттардың жылынуы – ғаламдық құбылыс. Алайда Арктикадағы теңіздер суық ауа мен мұздың ықпалымен мұздайтын. Енді мұздың азайып, жылы ауа толқындарының көбейуіне байланысты мұз жамылғысы қалыптаспай отыр. Оның үстіне, мұз күн жылуын өзіне сіңірмейтін болса, бетінде мұзы жоқ су жылуды өз бойына жұтып алады. Бұл да теңіз суының жылынуын күшейтіп отыр", – дейді климатолог Селин Эйозе.

Бұл ретте ғалымдар Арктикадағы мүлде мұз жамылғысыз алғашқы күн 2030 жылға қарай болуы мүмкін екенін болжап отыр.