
Көлік министрі Марат Қарабаев Ақтау маңындағы ұшақ апатына қатысты тергеу қорытындысының алдын ала есебі жақын арада жарияланатынын айтты.
"Қазір мамандар тынбай еңбек етіп жатыр. Апатты тергеуге халықаралық сарапшылар, соның ішінде Әзербайжан, Ресей, Бразилия, ХААҰ сарапшылары тартылған. Бәрі бірге жұмыс істеп жатыр. Жұмыс аяқталу сатысында. Жақын күндері біздің сайтымызда ресми түрде алдын ала есебі жарияланады деп күтіп отырмыз", – деді Марат Қарабаев үкімет отырысында.
Министр алдын ала есеп жарияланғанға дейін басқа ақпарат бере алмайтынын мәлімдеді.
Естеріңізге сала кетейік, Комиссия ҚР заңнамасының талаптарына және ИКАО-ның 13-қосымшасының талаптарына сәйкес алдын ала есеп жариялайды. Онда тергеу барысы және тергеу нәтижесінде анықталған нақты ақпарат болады.