Калифорния университетінің медицина мамандары ми имплантының көмегімен 36 жастағы сал ер адамның не айтқысы келгенін түсіне алды. Яғни, ер адам дыбыстап сөйлемесе де, оның не айтқанын миы арқылы ұқты.
Науқас осыдан 16 жыл бұрын жүрегі ауырып, төсекке таңылған. Ғалымдар оның миының сол жақ сыңарының мотор аймағының белсенділігіне талдау жүргізіп, ойын үнсіз түсінді. Бұған дейін ғалымдар "айтылған" сөздің жекелеген дыбыстарын ғана ести алатын. Бұл – олардың сөзді үнсіз түсіну үшін жасалған алғашқы қадамы.
Жасалған бағдарлама ми нейронының белсенділігін анықтап, 50 сөзді қолдану арқылы "айтылған" сөздің жалғасын табады. Қазір интерфейс ер адамды 74,4% жағдайда түсінеді. Бағдарлама минутына 15 сөзді оқи алады.
Оқи отырыңыз: АҚШ ғалымдары "ақылды" маска жасап шығарды. Ол адамдардың коронавирус жұқтырғанын анықтайды
Эксперимент барысында ер адам ғалымдарға өзінің жағдайы туралы айтып, су сұрады.
Алда ғалымдар құрылғыны жақсарта түспек. Яғни оның сөздік қорын кеңейтіп, сөзді анықтау жылдамдығын арттырып, көп адамның қатысуымен тест өткізеді.
