Партия сайлаушылардың 5,21 пайыз дауысын жинады.
"Ақ Жол" демократиялық партиясы Құрылтайдағы сегіз депутаттық мандатты партиялық тізімдегі кандидаттар арасында бөлді. Олардың есімдерін партияның баспасөз қызметі жариялады.
"Ақ Жол" Қазақстанның Демократиялық партиясы Саяси кеңесінің Президиумы сайлау қорытындысы бойынша партияға тиесілі сегіз депутаттық мандатты партиялық тізімге енген кандидаттар арасында бөлді.
Құрылтайға "Ақ Жол" партиясы атынан баратын депутаттар:
- Дәурен Ахметжаев
- Бақтыбек Бибаев
- Дания Еспаева
- Асылхан Қожахметов
- Юрий Ли
- Олжас Нұралдинов
- Мейраш Шынасылова
- Ермекқали Юсупов
Партияның хабарлауынша, депутаттардың кандидатуралары сайлау нәтижесінде алынған мандаттарға сәйкес бекітілді.
Құрылтай депутаттарын сайлау 23 тамызда өтті. Алдын ала қорытынды бойынша "Ақ Жол" партиясы сайлаушылардың 5,21% дауысын жинап, 5 пайыздық межеден өтті.