"Америкадан Ресейге дейін". Алматылық саяхатшылар автокөлікпен жер жүзін аралауға шықты

Олар бір айда Ресей, Латвия, Чехия, Германия, Франция, Испания, Италия, Австрия және басқа да бірқатар Еуропа елдерінің қалаларына барады.

Қазақстан тарихында тұңғыш рет "Жаңа Қазақстанмен жер шарына" деген атаумен автомобильмен жер жүзіне саяхаттау басталды. Саяхатшылар сапар барысында АҚШ (Сан-Франциско-Нью-Йорк), Еуропа (Алматы-Сан-Себастьян), Ресейді (Алматы-Владивосток) басып өтеді. Жолдың жалпы ұзындығы – 35 мың шақырымнан асады.

Топ мүшелері 2022 жылдың мамыр айында АҚШ-тың Тынық мұхиты жағалауынан Сан-Францискоға дейін Нью-Йорктегі Атлант жағалауына дейін жол жүріп келді. Жалпы саяхат 20 күнге созылды және 6,5 мың шақырымды құрады.

Бұл жолы Алматылық саяхатшылар автокөлікпен Испанияға Атлант мұхитының жағалауына дейін барады. Олар жолда бір айдан астам уақыт болуды жоспарлап отыр және осы уақыт ішінде Ресей, Латвия, Чехия, Германия, Франция, Испания, Италия, Австрия және басқа да бірқатар Еуропа елдерінің қалаларына барады.

Жобаның басты мақсаты – Қазақстанның мәдени мұрасын шетелге таныту, көрермендерді жаңа мәдениеттермен таныстыру, автокөлікпен саяхаттауға ынталандыру. Жобаның басты міндеті – қазақстандық және шетелдік ғалымдар арасында алтын көпір орнату.

"Жоба географиялық қамту жағынан ғана өте ауқымды емес. Оның аясында біздің ЖОО мен АҚШ-тағы Джорджия университеті арасында ынтымақтастық туралы меморандумға қол қойылды. Білім және ғылым министрлігінің жобасы аясында жоғары білім берудің болашағы туралы "Көпмәдениетті және жаһанданған әлем жағдайында қазақстандық жоғары білім беру жүйесінің құндылықтарын трансформациялау" атты деректі фильм эфирге әзірленіп жатыр", – деді Абылай хан атындағы ҚазХҚжәнеӘТУ оқу ісі жөніндегі проректоры Әсел Чакликова.

Жобан авторы – "Қазақстанның 100 жаңа есімі" жобасының жеңімпазы, қауымдастырылған профессор және тележурналист Мадина Ашилова. Бұл саяхатқа Мадинаның жолдасы және төрт баласы бірге бармақ. 

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите ее мышью и нажмите Ctrl+Enter

Серіктестер жаңалықтары