Алтай қазақтары "Әліппе" мен "Қазақ тілінің" өзіндік жаңа нұсқасын басып шығарды

Бұл оқулықтар бастауыш сынып оқушыларына арналған.

Ресей Федерациясы Алтай Республикасының Қосағаш ауданында 1-4 сыныптарға арналған "Әліппе" мен "Қазақ тілі" оқулықтарын басылып шықты. Бұл туралы Дүниежүзі қазақтары қауымдастығының ұйымдастыру бөлімінің меңгерушісі Ботагөз Уатқан хабарлады.

"Ресей федерациясындағы Алтай республикасының Қосағаш ауданында тұратын қандастарымыз 1-4-сыныптарға арнап "Қазақ тілінің" оқулық кітаптарын өздері дайындап шығарыпты. Шетте жүрсе де ана тілін қорғап, жас жеткіншектердің қазақ тілінде сөйлеп, үйренуіне атсалысып жатқаны қуантады. Құтты болсын дей келіп, оқулық авторларына шын жүректен ризашылығымызды айтамыз және де мұны Қазақстан Республикасы Тәуелсіздігінің 30 жылдығына үлкен тарту деп білеміз!" – деп жазды Ботагөз Уатқан.

"Әліппе" авторлары – Қаранов, Муграшева, Октаубаева және Коркунова есімді азаматтар. "Қазақ тілін" Сванкуловалар, Эртиспаева, Сосова, Битуганова және Қаранов жазған. 

Айта кетейік, Қазақстанда биылғы оқу жылынан бастап бірінші сынып оқушылары "Сауат ашу" пәнінің орнына "Әліппені" оқи бастады

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите ее мышью и нажмите Ctrl+Enter

Серіктестер жаңалықтары